Monday 6 March 2017

बीडमध्ये रंगणार पहिले जिल्हास्तरीय बालसाहित्य संमेलन

बीडमध्ये रंगणार पहिले जिल्हास्तरीय बालसाहित्य संमेलन 


बीड विभाग : यशवंतराव चव्हाण प्रतिष्ठान, मुंबई विभागीय केंद्र अंबाजोगाई, बीड आणि सौ. के. एस. के. महाविद्यालय, बीड यांच्या संयुक्त विद्यमाने पहिले जिल्हास्तरीय मराठी बालसाहित्य संमेलन ९ आणि १० मार्च रोजी सानेगुरूजी साहित्य नगरी, यशवंतराव चव्हाण नाट्यगृह, बीड येथे करण्यात आले आहे. विशेष म्हणजे या कार्यक्रमाला संमेलनाध्यक्ष ज्येष्ठ साहित्यीक महावीर जोंधळे, उद्धाटक ज्येष्ठ साहित्यीक - भारत सासणे, प्रमुख अतिथी - दत्ता बाळसराफ आणि वसंत काळपांडे, प्रमुख उपस्थीती भारतभूषण क्षीरसागर आणि निलेश राऊत, कार्याध्यक्ष दीपा क्षीरसागर यांची प्रमुख उपस्थीती असेल.
कार्यक्रमाची रूपरेषा- गुरूवारी ९ तारखेला सायंकाळी ५ वाजता ग्रंथदिंडी, मार्ग : माळीवेस - टिळकरोड - धोंडिपुरा - बलभीम चौक - कारंजा - राजूरीवेस - छ. शिवाजी महाराज चौक मार्गी यशवंतराव चव्हाण नाट्यगृह, बीड. त्यानंतर साडेसहाच्या सुमारास सांस्कृतीत कार्यक्रम होईल. १० तारखेला सकाळी उद्घाटन सोहळा. दुपारी १ ते २ बाल साहित्यीकाचे कवीसंमेलन, दुपारी २ ते ३ बाल साहित्यीकाचे कथाकथन,  दुपारी ३.३० ते ४.३० निमंत्रीत लेखकांचे कथाकथन, दुपारी ४.३० ते ५.३० निमंत्रीत कवींचे कवीसंमेलन आणि सायंकाळी ५.३० वाजता समारोप कार्यक्रम असेल. अध्यक्ष डॉ. व्दारकादास लोहिया, उपाध्यक्ष श्री. दगडू लोमटे, सचिव नरेंद्र काळे, कोषाध्यक्ष उषाताई दराडे, अमीर हबीब यांनी  सर्व रसिकांना या साहित्य संमेलनाचा आस्वाद घ्यावा हि विनंती केली आहे. 

No comments:

Post a Comment