Wednesday 15 March 2017

"यशवंतराव चव्हाण राष्ट्रीय पुरस्कार"

"यशवंतराव चव्हाण राष्ट्रीय पुरस्कार"
आधार कार्डचे प्रणेते नंदन निलेकणी यांना प्रदान...

महाराष्ट्र राज्याचे पहिले मुख्यमंत्री यशवंतराव चव्हाण यांच्या जयंतीच्या कार्यक्रमात आधारकार्डचे प्रणेते नंदन निलेकणी यांना २०१६ चा यशवंतराव चव्हाण राष्ट्रीय पुरस्कार देऊन सन्मानित करण्यात आले. पुरस्काराचे स्वरुप रुपये ५ लाख रुपये, शाल, श्रीफळ व सन्मानपत्र असे होते. विशेष म्हणजे कार्यक्रमाला विविध क्षेत्रातील मान्यवर उपस्थित होते.
कार्यक्रमांचे स्वागत व प्रास्ताविक प्रतिष्ठानच्या कार्याध्यक्षा सुप्रिया सुळे यांनी केले यावेळी त्यांनी असे सांगितले की यशवंतराव चव्हाण यांचे स्वप्न 'यशवंतराव चव्हाण प्रतिष्ठान'च्या माध्यमातून पूर्ण करत आहोत. त्यानंतर "यशवंतराव चव्हाण राष्ट्रीय पुरस्कार" समितीचे अध्यक्ष अनिल काकोडकर यांनी राष्ट्रीय पुरस्काराबद्दल थोडक्यात माहिती दिली. या राष्ट्रीय पुरस्काराच्या मानपत्राचे वाचन प्रतिष्ठानचे सरचिटणीस शरद काळे यांनी केले.
नंदन निलेकणी यांनी पुरस्कार स्विकारल्यावर आपले मनोगत व्यक्त करताना म्हणाले की आधार कार्ड तयार करत असताना किती यातना झाल्या आणि आव्हान स्विकारल्या नंतर पूर्ण करत असताना लोकांनी कशी मदत केली हे त्यांनी आवर्जून सांगितले. प्रतिष्ठानचे अध्यक्ष शरद पवार यांनी भारत डिजिटल वाटचाल करत असताना आधार कार्डचा फायदा कसा होईल, भविष्यात काय करता येईल हे सांगितले. कार्यक्रमाचे आभार प्रदर्शन प्रतिष्ठानचे कोषाध्यक्ष हेमंत टकले यांनी केले.

No comments:

Post a Comment