Wednesday 15 March 2017

'विरंगुळा'येथे १०४ वी जयंती उत्साहात

कराड : महाराष्ट्राचे पहिले मुख्यमंत्री यशवंतराव चव्हाण यांची कराड मध्ये मोठ्या उत्साहात जयंती साजरी करण्यात आली. यावेळी कार्यक्रमाला कराड आणि सातारा परिसरातून मोठ्या अधिक प्रमाणात लोकांची गर्दी होती. सुरूवातीला चव्हाण साहेबांच्या निवासस्थानी 'विरंगुळा' येथे त्यांचे पुतणे अशोकराव गणपतराव चव्हाण यांनी प्रतिमांना पुष्पहार घातला. यशवंतराव चव्हाण कॉलेज ऑफ सायन्स आणि सौ. वेणूताई कला वाणिज्य महाविद्यालयातील विद्यार्थी, शिक्षक आणि ग्रामस्थ यांनी विजय चौक, दत्त चौक, आझाद चौक, नेहरू चौक, चावडी चौक आणि कृष्णा नदी अशी पदयात्रा काढली. पी. डी. पाटील प्रतिष्ठानच्या वतीने कराड शहरातील सर्व माध्यमिक शाळेतील विद्यार्थ्याचे समूहगान यशवंतराव चव्हाण प्रतिष्ठान समोरील भव्य प्रांगणात झाले. कार्यक्रमाला राजकीय, सामाजिक आणि शैक्षणिक क्षेत्रातील मान्यवर मंडळी उपस्थित होती.

No comments:

Post a Comment